​

 

【新聞稿】

Cue Children課程啟動 
湯盈盈鍾麗淇孖住學教女
麥明詩生日 麥媽媽御准感情開綠燈

 

 

麥明詩媽媽麥何小娟女士、前港姐亞軍陳倩揚、無綫藝人趙希洛、「五個小孩」王詩雅（珠女）、傅舜盈（嘉嘉）、何涴瀠（小雪）、陳麗兒（Jennie）及李詠珊（Kitty）出席由「驕子兒童」舉辦的「Cue Children Launch Party」。發佈會上介紹一系列的兒童禮儀課程，吸引近百名家長參與，當中不乏湯盈盈、鍾麗淇及陳倩揚等「星級家長」專誠到場了解課程。

五小孩活用餐桌禮儀

在發佈會上，麥太傳授不少培育「十優」女兒的錦囊給現場家長，並表示麥明詩兩歲時曾因不肯吃西瓜，兩母女展開一場「權力博奕」，麥太說：「其實佢食唔食個西瓜根本唔重要，重點係要令佢聽話，因為小朋友係要管，太自由佢哋會太自我中心。」另外，她又表示子女要盡早管教，笑言：「好多記者問我，佢（麥明詩）同林作點樣？佢依家咁大個女，我管唔到佢。」

而較早前已參與禮儀精華班的「五個小孩」也在台上分享上課感受，五位小淑女笑言已在生活中活學活用：「我哋食嘢時知道女仔要企喺邊個位同男仔揮手，同埋食嘢唔可以咁大聲，因為會嘈到其他人。」活動接近尾聲時，兩位「廿四孝媽咪」湯盈盈與鍾麗淇即場向課程總監發問，非常踴躍。

陳倩揚為仔仔頻撲

事後，麥太接受傳媒訪問，記者問到今天（12月11日）適逢是麥明詩生日，麥太說：「佢今日要工作，我哋一家人約咗下個禮拜慶祝。」她表示女兒昨晚同與哥哥及一大班朋友慶祝，問到麥明詩緋聞男友林作在場？麥太說：「林作呀？聽個女講話一班朋友，佢冇提，我又冇問喎！」至於陳倩揚表示剛從遊輪下船回港，雖然身體抱恙，但為了兩個寶貝仔未來着想，也專程前來了解課程。